Irushanwa ry’imikino Nyafurika muri Volleyball ryari rimaze iminsi ribera mu Rwanda, ryegukanywe na Al Ahly itsinze Police VC yo mu Rwanda amaseti 3-0.
Kuri uyu wa Gatandatu tariki ya 2 Gicurasi 2026 nibwo muri Kigali Arena hashyizweho akadomo Irushanwa rya CAVB Men’s Club Championship ryari rimaze iminsi ribera mu Rwanda.
Umukino wa nyuma mu bagabo ukaba wahuje Police VC yo mu Rwanda na Al Ahly yo mu Misiri.
Ni umukino woroheye iyi kipe yo mu Misiri kuko awutsinze amaseti atatu ku busa.
Iseti ya mbere Al Ahly yayegukanye ku manota 25-20, iya kabiri amanota 25-21 mu gihe iya gatatu yayitwaye ku manota 25-22.
REG VC kandi ikaba yegukanye umwanya wa gatatu nyuma yo gutsinda amaseti 3-1 Petrojet Sporting yo mu Misiri (25-21, 25-21, 13-25, 25-17)
Ikipe y’irushanwa ikaba igizwe na Matui Nicholas wa REG VC (outside hitter), Eissa Abdelrahman Elhossiny wa Al Ahly (outside hitter), Frank Shyaka wa Police VC (middle blocker), Abou Abd Elhalim Mohamed wa Al Ahly (middle blocker), Masso Alvarez Jose Israel wa Al Ahly (opposite), Melly Brian Kipkirui wa Police VC (setter) na Irakoze Alain wa Police VC (libero).
Umukinnyi w’irushanwa (MVP) akaba yabaye Eissa Abdelrahman Elhossiny wa Al Ahly.
Uko amakipe yakurikiranye
Al Ahly VC (Misiri)
Police VC (Rwanda)
Rwanda Energy Group (Rwanda)
Petrojet SC (Misiri)
Port Autonome de Douala (Cameroun)
Kenya Ports Authority (Kenya)
Kepler VC (Rwanda)
Fath Union Sport (Maroc)
Ghana Army (Ghana)
Nemo Stars (Uganda)
APR VC (Rwanda)
Nigeria Customs (Nigeria)
Equity Bank (Kenya)
General Service Unit (Kenya)
Kalibi SC (Ghana)
Sport-S VC (Uganda)
Litto Team VC (Cameroun)
Cameroon Volleyball (Cameroun)
AS INJS (Côte d’Ivoire)
Rukinzo VC (Burundi)
Wolaitta Dicha Sports Club (Ethiopia)
Black Rhinos VC (Zimbabwe)
Atlético Clube do Mindelo (Cap-Vert)
Prisons VC (Tanzania)
Ibitekerezo