Nyakubahwa Perezida wa Repubulika y’u Rwanda, Paul Kagame yashimiye bikomeye Arsenal yarwanye ikaba yegukanye Shampiyona y’u Bwongereza (Premier League).
Yabigezeho nyuma y’uko Manchester City yananiwe gutsinda AFC Bournemouth mu mukino w’umunsi wa 37 w’iyi Shampiyona umwaka w’imikino wa 2025-26 aho amakipe yombi yanganyije 1-1.
Mu gihe hasigaye umukino umwe ngo iyi Shampiyona ikunzwe
na benshi isozwe, Manchester City ifite amanota 78 mu gihe Arsenal ifite 82.
Ibi byari bivuze ko Arsenal yamamaza ubukerarugendo bw’u Rwanda binyuze muri Visit Rwanda yegukanwe Premier League nyuma y’imyaka 22 itayikozaho intoki.
Abinyujije ku rukuta rwe rwa Twitter, Perezida Kagame usanzwe ari n’umukunzi wa Arsenal yashimiye iyi kipe kuba yarabaye indwanyi.
Ati "Dushimiye Arsenal, umufatabyabikorwa wacu wa Visit Rwanda kuba yegukanye Premier League nyuma y’umwaka w’imikino utari woroshye. Igikombe igitwaye igikwiye."
Icyegukanye nyuma y’imyaka 3 umutoza Mikel Arteta akomanga agishaka kuko kuva 2022-23, 2023-24 na 2024-25 Arsenal yabaga iya kabiri.
Kibaye igikombe cya kane cya Premier League yegukanye nyuma y’icyo 1997-98, 2001-02 na 2003-2004.
Congratulations to @Arsenal, our #VisitRwanda partner, on being the Premier League champions after a hard fought season!
A well-deserved title!
— Paul Kagame (@PaulKagame) May 19, 2026
Ibitekerezo