Abakinnyi babiri b’Abanyarwanda, bakina muri Azerbaijan, Mutsinzi Ange Jimmy na Joy-Lance Mickles bakomeje gufasha amakipe yabo kwitwara neza mu marushanwa yo ku mugabane w’u Burayi.

Ni nyuma y’uko ikipe ya Joy-Lance Mickles ya Sabah FK irenze ijonjora rya mbere ryo gufasha itike ya UEFA Champions League basezereye The New Saints F.C yo muri Wales ku gitegeranyo cy’ibitego 4-1.

Ni imikino Joy-Lance yakinnye ndetse umukino wo kwishyura batsinze 2-1, yatsinzemo igitego. Mu ijonjora rya kabiri bazahura na Kupus yo muri Finland.

Barenze iki cyiciro bazakina ijonjora rya gatatu, barirenga bakajya mu mikino ya Kamarampaka ari nabwo bayitsinze bahita bajya mu makipe azakina Champions League.

Joy-Lance Mickles arimo kwitwara neza muri Champions League

Ku rundi ruhande, Zira FK ya Mutsinzi Ange na Leroy-Jacques Mickles (utarakinnye iri jonjora), nayo yakinaga ijonjora ryo gushaka itike ya UEFA Conference League.

Iyi kipe muri iri jonjora yasezereye FC Torpedo Kutaisi yo muri Georgia iyinyagiye ibitego 6-0 mu mikino yombi (3-0, 0-3).

Ni imikino yombi Mutsinzi Ange yakinnye. Mu ijonjora rya kabiri bazahura na Paide yo muri Estonia, baharenze bakine ijonjora rya gatatu, batsinda bajye mu mikino ya Kamarampaka izasiga habonetse amakipe azakina UEFA Conference League.

Mutsinzi Ange Jimmy yafashije ikipe ye kurenga ijonjora rya mbere

)