Nyuma yo gutegura uduseke n’imitemeri yatwo bicuritse ubwo habaga ijonjora rya Miss Rwanda 2021, banenzwe na benshi ko ibyo bakoze bitabaho, abategura iri rushanwa bakaba basabye imbababzi.
Ku wa Gatandatu tariki 21 Gashyantare 2021 nibwo habaye ijonjora ryo gutoranya abakobwa 37 bahagarariye Intara n’Umujyi wa Kigali mu irushanwa rya Miss Rwanda.
Iki gikorwa cyanyuze kuri televiziyo ya KC2, mu miteguro yari ihari bari bateguye uduseke ducuritse n’imitemeri yacyo.
Ni ibintu byagawe n’abantu batandukanye, bose bakaba buririye ku gitekerezo cy’uwitwa Nkuranga Alphose.
Abinyjije kuri twitter yagize ati"Umutako mwiza, umuteguro mwiza ni ufite igisobanuro.
Miss Rwanda mwashatse kutwereka iki mu giseke cyubitse umutemeri wacyo uri iruhande? Mumfashe nsobanukirwe bitaba ari uwateguye yibwira ko harimo “innovation”. Igiseke cyubitse kiba cyamennye, kirimo ubusa."
Benshi bavuze kuri iki gitekerezo banenze cyane ibyakozwe na Miss Rwanda. Uwitwa Nizeyimana Olivier De Maurice yagize ati"Ubutaha bazacurika igisabo cg bavune umuheto"
Rwamucyo Nsengimana Jean de Dieu"Uwakoze uyu muteguro ndamugaye mu Rwanda,iwacu i Rwanda Igiseke gihora cyuzuye amahore ,kucyubika kiba cyamennye
Ni uko umutemeri wacyo muwushyira iruhande?Oya rwose
Musigeho kirazira."
Murenzi Arcade "Bagire bapfundikire ibyo biseke vuba niba koko haricyo baduhishiye. Ubwo turabara ko bari babyanitse bitegura kugira icyo baduhishiramo."
Ingero zimwe ni izi. Byaba uduseke Cg inkangara birapfundikirwa. Bipfundurwa igihe bakuramo ibyo bakeneye, bibitsemo kandi bakongera bagapfundikira. Agaseke kagucika ukamena bikaba ari ibyago. None mwe mweruye murakubika mutumurikira ba Nyampinga 🙊 pic.twitter.com/xIk60pT2Dn
— NKURANGA Alphonse (@Nkurangalphonse) February 20, 2021
Ibi byakozwe ni ibara mba ndoga umpatse! Nkuranga wakoze kuba maso.
— Oswald Oswakim (@oswaki) February 20, 2021
Uwakoze uyu muteguro ndamugaye mu Rwanda,iwacu i Rwanda Igiseke gihora cyuzuye amahore ,kucyubika kiba cyamennye
Ni uko umutemeri wacyo muwushyira iruhande?Oya rwose
Musigeho kirazira #Benimana @Bamporikie @MissRwandaDotRW @IGIHE @PMudakikwa @KC2_RW @rbarwanda @BasileUwimana— Rwamucyo NSENGIMANA Jean de Dieu (@NsengimanaJado) February 20, 2021
Ubutaha bazacurika igisabo cg bavune umuheto
— Nizeyimana Olivier De Maurice (@NizeyimanaOliv7) February 21, 2021
Ahubwo twibwiraga ko abakobwa bacu bapfunduye gusa, @MissRwandaDotRW 2021 yerekanye ko ahubwo barangaye, barimo ubusa, ko bubamye, bacuritse. MissRwanda iyi si iy'i Rwanda. Nihindurirwe izina, nireke kwandagaza ubwema bw'u Rwanda@FiestaRwanda @Ckayumba
— 🇷🇼 Pelly Prudence Iraguha 🇷🇼 (@Pelly_Pi) February 21, 2021
Aha niho mpera mvuga ko dufite urugendo rukomeye mu kubohora umuco wacu ukareka gutsikamirwa bene aka kageni. Ark c nanone uwateguye we tuvuge ko atagira abamureberera? Bitaribyo tuzisanga banyampinga nabo babifasheho urugero. Iri rushanwa ntiritugurushirize umuco ndabyanze
— Kizito Bucyansenga (@Bukizito) February 20, 2021
Miss Rwanda ikaba yiseguye kuri iki gikorwa kandi ko bazakomeza kwakira inama bagenda bagirwa.
Bagize bati"Nk’abategura irushanwa rya Miss Rwanda, duhora twiteguye kwakira inama n’ibitekerezo byubaka. Turabashimira ko mukomeje kuduha ibitekerezo byubaka kuko ni cyo gituma irushanwa rikomeza kwaguka no gutera imbere."
"Ibyagaragaye ko bitagenze neza bijyanye n’umuteguro (decoration) mu gutangaza abakobwa batsinze amajonjora y’ibanze muri #MissRwanda2021 bizakosorwa ubutaha. Turabashimira ku bitekerezo byiza mukomeza kuduha."
Nk'abategura irushanwa rya Miss Rwanda, duhora twiteguye kwakira inama n'ibitekerezo byubaka. Turabashimira ko mukomeje kuduha ibitekerezo byubaka kuko ni cyo gituma irushanwa rikomeza kwaguka no gutera imbere....[1/2] pic.twitter.com/LHdbVPHfJ5
— Miss Rwanda (@MissRwandaDotRW) February 21, 2021
Ibitekerezo