Trinity Worship Center yateguye igitaramo cy’imbaturamugabo izamurikiramo igihembo cya Groove Awards iherutse kwegukana nk’itsinda rishya ryakoze neza kurusha andi mu mwaka ushize.

Trinity Worship Team ni rimwe mu matsinda akinjira mu ruhando rw’umuziki wo kuramya no guhimba Imana ritanga ikizere ku hazaza haryo. Ryateguye igitaramo bise “Home Blessing Live Concert” nk’impano bageneye Itorero ryayibarutse.

Trinity Worship Center itsinda ry’abaramyi ribarizwa mu Itorero rya EPR Kanombe, rikaba rigeze kure imyiteguro y’iki gitaramo kizabera ku Itorero rya EPR Kabeza, kuri iki Cyumweru tariki ya 10 Werurwe 2019.

Iki gitaramo cyatumiwemo amwe mu mazina akomeye mu muziki wahariwe kuramya no guhimbaza Imana ndetse n’abahanzi barangajwe imbere n’umukirigitananga wabigize umwuga, Déo Munyakazi; Gisèle Precious, na we ukomeje kwigaragaza; Ezra Joas ndetse n’umuraperi MD, umaze kwigarurira imitima ya benshi mu njyana ya Hiphop ntagatifu cyangwa se Yera.

Si abahanzi ku giti cyabo gusa batekerejweho kuko hatumiwe n’amatsinda nka Upendo Choir, Holy Entrency Ministry, Praise Again Drama Team n’abashyitsi bazaturuka muri Leta Zunze Ubumwe za Amerika.

Iki gitaramo cyataziriwe ’Home Blessing Concert’ kivuze byinshi kuri Trinity Worship Center dore ko ari igitaramo bafata nk’impano y’itorero rya EPR ryabibarutse.

Umuyobozi w’iri tsinda, Peter Mugwaneza, atangaza ko bageze kure imyiteguro y’iki gitaramo gifite igisobanuro gikomeye cyo gushima Imana yabanye nabo kuva batangiye umurimo w’Imana.

Trinity Worship Center yateguye igitaramo 'Home Blessing Live Concert' ifata nk’impano y’Itorero ryayibarutse

Akomeza avuga ko iki gitaramo kigamije gushima Imana ariko hakanashimwa by’umwihariko Itorero ribafasha ndetse n’abantu ku giti cyabo biyemeje kubashyigikira mu nama ndetse n’uburyo bufatika.

Yavuze ko iki gitaramo ’Home Blessing Live Concert’ kizaba ari umwanya wihariye wo kumurikira Itorero ishimwe (Award) Trinity Worship Center yegukanye muri Groove Awards Rwanda mu 2018 nk’itsinda rishya ryakoze neza kurusha ayandi yose mu Rwanda (Best New Group of the Year).

Trinity Worship Center ni itsinda rimaze igihe gito rishinzwe

)