Myugariro wo ku ruhande rw’iburyo mu ikipe ya AS Kigali, Michel Rusheshangoga yongereye amasezerano y’umwaka 1 akinira Abanyamujyi.

Uyu musore wari ugeze ku musozo w’amasezerano ye muri AS Kigali, ku munsi w’ejo ni bwo yongereye amasezerano.

AS Kigali ikaba yarashimye umusaruro we mu mwaka ushize w’imikino bahitamo kumwongerera undi mwaka w’amasezerano.

Rusheshangoga akaba yarinjiye muri AS Kigali umwaka ushize wa 2019 nyuma yo kwirukanwa muri APR FC, yayisinyiye amasezerano y’umwaka umwe akaba ari yo yari asoje.

Michel Rusheshangoga akaba yongereye amasezerano muri AS Kigali nyuma y’uko iyi kipe isinyishije Rugirayabo Hassan imukuye muri Mukura VS na we akaba ari myugariro wo ku ruhande rw’iburyo.

Michel Rusheshangoga yongereye amasezerano muri AS Kigali

)