Myugariro w’umunyarwanda ukinira ikipe ya Urartu FC muri Armenia, nyuma y’imikino 2 gusa akiniye iyi kipe yatoranyijwe mu ikipe y’icyumweru muri shampiyona.

Mu kwezi gushize nibwo Nirisarike Salomon yasinyiye iyi kipe atandukanye na FC Pyunik nayo yo muri iki gihugu, akaba amaze kuyikinira imikino ibiri umwe w’igikombe cy’igihugu n’umwe wa shampiyona wabaye ku munsi w’ejobundi batsinzemo Ararat 1-0.

Iyi mikino yose uko ari ibiri, Nirisarike Salomon akaba yarayikinnye ndetse akina iminota yose y’umukino uko ari 90.

Nyuma yo gukina umukino wa shampiyona batsinzemo Ararat akitwara neza, Nirisarike Salomon akaba yaraje gutoranywa mu ikipe y’umunsi wa wa 16 wa shampiyona.

Muri iyi kipe undi mukinnyi wa Urartu FC urimo ni umunyezamu Beglaryan Arsene na Igor Paderin usatira anyuze ku mpande.

Iyi kipe izagaruka mu kibuga ku wa Gatanndatu tariki ya 6 Werurwe 2021 bakina na Van mu mukino wa w’umunsi wa 17 wa shampiyona.

Nirisarike Salomon amaze gukinira Urartu FC

Nirisarike yaje mu ikipe y'icyumweru

)