Nyuma yo gutandukana na Gisagara VC, Murangwa Nelson yamaze gusinya amasezerano y’imyaka 3 muri UTB VC.
Murangwa Nelson yinjiye mu ikipe ya Gisagara VC umwaka ushize w’imikino, aho yatangiye kuyikinira mu mikino y’akarere ka V, gusa bari bumvikanye ko nabona ikipe yo hanze imwifuza azahita atandukana n’iyi kipe.
Uyu musore wari usigaje amasezerano y’umwaka umwe muri Gisagara VC, amakuru agera ku ISIMBI avuga ko yabwiye Gisagara VC ko yabonye ikipe hanze, abishyura umwaka umwe yari abafitiye maze bamuha urupapuro rumurekura ’release letter.’
Nyuma yo kumuha release letter akaba yarahise asinya amasezerano y’imyaka 3 mu ikipe ya kaminuza yigisha ubukerarugendo no gucunga imari ’UTB’.
Mu masezerano ye bumvikanye ko iyi myaka 3 agomba kubakinira aniga muri iyi kaminuza, ariko hakaba harimo ingingo ivuga ko mu gihe azabona ikipe hanze azahita bazamurekura akajya kuyikinira.
Ibitekerezo