Minisiteri y’Umuco na Siporo yihanganishije umuryango w’umunyamideli Alexia Mupende uherutse kwicwa atewe icyuma n’umukozi wakoraga iwabo mu rugo i Kanombe.

Umunyamideli wari warabigize umwuga Alexia Uwera Mupende yitabye Imana ku mugoroba wo ku wa Kabiri tariki ya 8 Mutarama 2019. Yishwe atewe icyuma mu ijosi, harakekwa umukozi w’iwabo mu rugo wanahise atoroka.

Minisiteri ifite umuco mu nshingano, yihanganishije umuryango wa nyakwigendera n’abahuriye mu muryango mugari w’aberekana imideli mu Rwanda.

Mu itangazo yacishije ku rubuga rwa Twitter rigira riti “Minisiteri ya Siporo n’Umuco ibabajwe n’Urupfu rw’Umunyamideli Alexia Uwera Mupende witabye Imana kuri uyu wa 8 Mutarama 2019, iboneyeho kwihanganisha by’umwihariko umuryango we ndetse n’umuryango mugari w’abanyamideli n’abahanzi nyarwanda muri rusange.”

Minisiteri ya Siporo n’Umuco ibabajwe n’Urupfu rw’Umunyamideli Alexia Uwera Mupende witabye Imana kuri uyu wa 8 Mutarama 2019, iboneyeho kwihanganisha by'umwihariko Umuryango we ndetse n'umuryango mugari w'abanyamideli n’abahanzi nyarwanda muri rusange. pic.twitter.com/1ThNdxmjgL

— Ministry of Sports & Culture | Rwanda (@MINISPOC) January 9, 2019

Yiciwe mu rugo i Kanombe, uyu mukozi ngo yamuteye icyuma mu ijosi. Umurambo wajyanwe mu Bitaro bya Gisirikare i Kanombe mu gihe ukekwaho kumwica yahise atoroka.

Uyu mukozi ukekwaho kwica Mupende Alexia yitwa Niyireba Antoine, yavutse mu 1996 akaba akomoka mu Karere ka Karongi mu Burengerazuba bw’igihugu. Polisi iracyamushakisha.

)