Mu rwego rwo kwitegura umwaka w’imikino wa 2020-2021, ikipe ya Gasogi United izakorera umwiherero mu Ntara y’Iburasirazuba mu karere ka Bugesera.

Nk’uko biri mu mabwiriza yo kwirinda COVID-19 ko amakipe agomba gupimisha abakinnyi iki cyorezo ubundi akajya akora imyitozo aba hamwe, iyi kipe nayo yamaze kwitegura gutangira imyitozo.

Ku munsi w’ejo hashize ku wa Gatatu tariki ya 14 Ukwakira 2020, iyi kipe yapimishije abakinnyi bayo, abatoza mbere yo gutangira imyitozo.

Ku munsi w’ejo ku wa Gatanu ni bwo iyi kipe izatangira umwiherero, ukaba uzabera mu karere ka Bugesera aho bazajya bakorera imyitozo ku kibuga cya Bugesera.

Biteganyijwe ko shampiyona y’icyiciro cya mbere umwaka w’imikino wa 2020-2021 uzatangira tariki ya 4 Ukuboza 2020.

Gasogi United irangira umwiherero ku munsi w'ejo

)