Amavubi atsinzwe na Cameroun 1-0 kuri Stade Regional Nyamiramb mu mukino w’itsinda F mu gushaka itike y’igikombe cy’Afurika cya 2021 kizabera muri Cameroun.
Ni umukino wa kabiri muri iri tsinda F, Amavubi agiye gukina uyu mukino nyuma yo gutsindwa na Mozambique tariki ya 14 Ugushyingo 2019 ibitego 2-0. Cameroun yo yari yakinnye na Cape Verde n’ubundi muri iri tsinda banganya 0-0.
U Rwanda rwakiriye uyu mukino rutari mu bihe byiza kuko nyuma yo gutsindwa na Mozambique, bagize n’ikibazo cy’urugendo aho indege yabasize, abakinnyi ba nyuma bageze mu gihugu ejo hashize nyuma ya saa sita.
Gutsindwa uyu mukino byatumye u Rwanda ruguma ku mwanya wa nyuma n’amanota 0, Cameroun ifite 4, Mozambique 3 na Cape Verde 1.
FT: Amavubi 0-1 Cameroun
94’: Amavubi yongeye guhusha
Omborenga Fitina ahinduye umupira mwiza imbere y’izamu ariko umunyezamu awutanga Kagere Meddie.
90+4: Amvubi ahushije igitego
Nirisarike Salomon ahushije igitego cy’umutwe ku mupira wari uvuye muri koruneri
87’ Gusambuza ku ruhande rw’u Rwanda
Iyabivuze Ose yinjiye mu kibuga asimbuye Niyonzima Olivier Sefu.
86’ Amavubi ahushije igitego
Rutanga Eric ateye kufura ariko umupira ugeze imbere y’izamu rya Cameroun habura ushyira umupira mu izamu
85’ Cameroun ihushije igitego
Olinga Fabrice wari winjiye mu kibuga asimbuye ahushije igitego nyuma yo gutera mu izamu umupira ujya hanze.
82’ Gusimbuza ku ruhande rwa Cameroun
Olinga Fabrice yasimbuye Vincent Aboubakar
76’ Ikarita y’umuhondo ku ruhande rwa cameroun
Arnaud Djoum yahawe ikarita y’umuhondo ku ikosa yakoreye Sibomana Patrick Papy
69’ Igitego cya mbere cya Cameroun
Ku burangare bw’umunyezamu Kimenyi Yves ndetse na ba myugariro, Mouni Ngamaleu yatsinze igitego ku mupira wahinduwe na Vincent Aboubakar
66’ Impinduka zitateguwe ku ruhande rw’u Rwanda
Rutanga Eric yinjiye mu kibuga asimbuye Mangwende wavuye mu kibuga kubera imvune
65’ Koruneri ya Cameroun
Cameroun ibonye koruneri ku mupira warengejwe na Nirisarike Salomon
61 Gusimbuza ku ruhande rwa cameroun
Kunde Malong avuye mu kibiga hinjiramo Toko Ekambi
60’ Ignatius Ganago ahawe ikarita y’umuhondo
Uyu musore yinjiye mu rubuga rw’amahina rw’Amavubi arigwisha umusifuzi ahita amuha ikarita y’umuhondo.
56’ Muhadjiri ahushije iitego cyabazwe
Rwatubyaye Abdul ahinduye umupira mwiza imbere y’izamu, Muhadjiri arawufunga ariko ateye mu izamu unyura hejuru. Uyu musore Mashimi ahise amusimbuza hinjiramo Sibomana Patrick Papy.
54’ Gusimbuza ku ruhande rwa Cameroun
Christian Bassogog avuye mu kibuga hinjiramo Ignatius Ganago
53’ Kufura y’u Rwanda
Bakorereye ikosa kuri Muhadjiri ariko Haruna ayiteye abasore b’u Rwanda bahita bawushyira hanze.
51’ Cameroun irimo kurusha Amavubi
Cameroun yatangiye igice cya kabiri ubona ko irimo irusha abasore b’u Rwanda wabonaga bari batangaiye kugaragaza umunaniro.
46’ Amavubi atangije igice cya kabiri
HT: Amavubi 0-0 Cameroun
Igice cya mbere cy’umukino kirangiye ari 0-0
45+1 Djihad ahushije igitego cyabazwe
Kapiteni w’ikipe y’igihugu y’u Rwanda, Haruna Niyonzima azamukanye umupira, awutanga kwa Djihad warebanaga n’izamu ariko awuteye ujya hejuru y’izamu.
44’ Koruneri y’u Rwanda
Abasore b’Amavubi bazamukanye umupira neza Muhadjiri ahinduye imbere y’izamu bawushyira mu ri koruneri, yatewe ariko ariko ntihagira ikivamo.
40’ Kufura y’Amavubi
Abasore ba Cameroun bakoze umupira ariko Muhadjiri awuteye ujya mu ntoki z’umunyezamu
38’ Cameroun ihushije igitego
Cameroun ihererekanyije neza cyane yinjira mu rubuga rw’amahina rw’Amavubi maze Vincent Aboubakar awuteye ujya hanze
34’ kufura ya Cameroun
Cameroun ibonye iri inyuma gayo y’urubuga rw’amahina nyuma y’uko Mangwende akiniye nabi Chritstian Bassogog. Ariko nta kintu kivuyemo.
29’ Koruneri ya 2 ya Cameroun
Cameroun ibonye koruneri nyuma y’umupira urengejwe na Djahad Bizimana ariko Oyongo Ambroise ayiteye ntihagira ikivamo.
26’ Koruneri ya kabiri y’Amavubi
Haruna Niyonzima ahinduye umupira mwiza imbere y’izamu ariko Muhadjiri agiye kuwushyira mu izamu bawumukuraho ujya muri koruneri
18’ Kufura y’Amavubi
Amavubi abonye coup franc(kufura) ku ikosa ryari rikorewe Kagere Meddie ariko Djihad Bizimana awuteye ntiwagira ikivamo
15’ Koruneri ya mbere ya Cameroun
Vincent Aboubakar ateye mu izamu ry’Amavubi ariko ba myugariro bawukoraho ujya muri koruneri itagize icyo itanga.
13’ Muhadjiri ahushije igitego
Hakizimana Muhadjiri ahawe umupira na Jacques Tuyisenge yinjira no mu rubuga rw’amahina ariko ateye mu izamu umupira bawushyira muri koruneri
11’ Kagere Meddie ahushije igitego
Kagere Meddie yisanze mu rubuga rw’amahina anacenga umunyezamu ariko ateye umupira ukubita inshundura nto
11’ Rwatubyaye Abdul akuyeho umupira ukomeye
Bacomekeye umupira Vincent Aboubakar yisanga mu rubuga rw’amahina ariko Rwatubyaye Abdul arahagoboka akuraho umupira
9’ Cameroun ihushije igitego
Bassogog ahinduye umupira imbere y’izamu usanga Mouni Ngamaleu ahagaze wenyine ariko ateye umupira uca hejuru y’izamu
3’: Amavubi ahushije igitego
Haruna Niyonzima acomekeye umupira Omborenga Fitina ariko ahinduye imbere y’izamu habura umuntu, umupira usanga Mangwende aho ahagaze ariko ateye mu izamu uca inyuma y’izamu.
1’: Umukino utangijwe na Cameroun
Kagere na Jacques bayoboye ubusatirizi bw’Amavubi
Dore 11 babanjemo ku mpande zombi
Rwanda: Kimenyi Yves, Omborenga Fitina, Rwatubyaye Abdul, Nirisarike Salomon, Imanishimwe Emmanuel Mangwende, Bizimana Djihad, Niyonzima Olivier Sefu, Niyonzima Haruna, Hakizimana Muhadjiri, Kagere Meddie na Jacques Tuyisenge
Umutoza: Mashami Vincent
Cameroun: Andre Onana, Fai Collins, Dawa Joyskin, Ngadeu Ngadui Michael, Oyongo Ambroise Bitolo, Kunde Malong, Andre-Frank Zambo Anguissa, Vincent Aboubakar, Arnaud Djoum, Bassoggog Christian na Mouni Ngamaleu
Umutoza: Antonio Conceiçao
)
Ibitekerezo