Rutahizamu w’ikipe ya Juventus na Portugal, Cristiano ari mu kato nyuma y’uko umwe mu bakinnyi bakinana yanduye Koronavirusi(COVID-19).

Cristiano Ronaldo ari mu kato muri Portugal mu gace ka Madeira avukamo aho yari yagiye gusura nyina urwaye, akaba afite ikibazo cy’ubwonko, ni nyuma y’umukino batsinzemo Inter Milan 2-0.

Ashyizwe mu kato nyuma y’uko yari kumwe na Rugani bakinana muri Juventus basanze yaranduye kandi barasangiye urwambariro, agomba kuguma muri aka gace arimo ntasubire muri Portugal kugeza igihe bigaragaye ko we atanduye.

Nk’uko byagaragaye ku ifoto ya nyuma y’umukino, ni uko Cristiano Ronaldo yari mu ifoto imwe na Rugani bishimira intsinzi.

Ikipe ya Juventus akaba yari yatangaje ko igiye gukora ibishoboka byose kugira ngo abakinnyi bose bahuye na Rugani bashyirwe mu kato.

Kuba Rugani yaragumye ku ntebe y’abasimbura ntajye mu kibuga ku mukino wa Juventus na Inter Milan, hari icyizere cy’uko iyi virusi yaba yarageze ku bantu bake.

Cristiano(ubanza ibumoso) yagaragaye mu ifito imwe na Rugani(uri mu ruziga) nyuma y'umukino wa Inter Milan

Cristiano agomba kuguma iwabo kugeza ikibazo gikemutse

)