Umuhanzi ukomeye muri Afurika ukomoka mu gihugu cya Nigeria, David Adedeji Adeleke [Davido] ari mu byishimo nyuma y’uko umukunzi we, Chioma Avril akize icyorezo cya COVID-19 yari arwaye.

Ibi uyu muhanzi yabitangaje nyuma y’uko umukunzi we apimwe inshuro 2 zose bagasanga yarakize iki cyorezo, hari nyuma y’uko tariki ya 27 Werurwe 2020, Davido yishyize mu kato nyuma y’uko bari basanze umukunzi we arwaye iki cyorezo.

Chioma Avril Rowland n’umwana wa bo wapimwe ubwo bari bavuye mu Bwongereza bamusangana iki cyorezo cya COVID-19.

Davido akaba yatangaje ko umugore we wari umaze ibyumweru 3 arwaye COVID-19 ubu ameze neza nta kibazo yakize.

Yagize ati“ Imana ihabwe icyubahiro. Chioma yasuzumwe inshuro 2 ntiyagasangwamo ubwandu. Mwarakoze kudusengera, turabakunda.”

Muri 2019 ni bwo Davido yambitse umukunzi we impeta amusaba ko yazamubera umugore, mu Kwakira 2019 yahise amubyarira umwana w’umuhungu, David Adedeji Adeleke Jr.

Davido ari mu byishimo by'uko umukunzi we yakize COVID-19

)