Imyidagaduro

Buravan na Knowless batumiwe mu iserukiramuco rizahuza ibihangange muri RDC

Buravan na Knowless batumiwe mu iserukiramuco rizahuza ibihangange muri RDC

Butera Knowless na Yvan Buravan bagiye gutaramira muri Repubulika Iharanira Demokarasi ya Congo mu iserukiramuco rya muzika ryitwa Amani rigamije gusakaza ubutumwa bw’amahoro n’umutekano mu Karere.

Ni ku nshuro ya Gatanu u Rwanda rugiye guhagararirwa muri Amani Festival.

Mani Martin ni we muhanzi wagiyeyo kenshi, amaze kuryitabira inshuro eshatu guhera muri 2013 ari nabwo u Rwanda rwatangiye kujyayo. Muri uyu mwaka hatumiwe Butera Knowless wo muri Kina Music na Yvan Buravan uherutse kwegukana igihembo cya Prix Découvertes gitangwa na RFI.

Abategura iri serukiramo bavuze ko rizitabirwa n’abaririmbyi bazwi cyane mu bihugu birimo u Rwanda, Tanzania, Repubulika Iharanira Demokarasi ya Congo, u Bufaransa n’ahandi.

Amani Festival izatangira ku itariki ya 15 isozwe ku wa 17 Gashyantare 2019. Iserukiramuco ry’uyu mwaka rizarangwa n’imbyino, umuziki wa live wiganjemo indirimbo z’Igifaransa, Lingala, Kiswahili n’Ikinyarwanda.

Iri serukiramuco rizabera muri Collège Mwanga mu Mujyi wa Goma, RDC, kwinjira bizaba ari idolari rimwe kuri buri muntu. Abategura Amani Festival banditse kuri rubuga rwabo ko buri munsi rizajya ryakira abafana 12000.

Mu bahanzi bakomeye batumiwe uyu mwaka, harimo Fally Ipupa ukunzwe bikomeye muri iki gihe, umuraperi Youssoupha[Umufaransa ufite imizi muri RDC], Gaël Faye, Lady Jaydee wo muri Tanzania n’abandi.

Butera Knowless ategerejwe mu bahanzi bazaririmba muri Amani Festival
Yvan Buravan umaze iminsi mu bihe byiza ategerejwe i Goma
)

Tanga igitekerezo

Ibitekerezo

  • Patient BANGANGIRA
    Ku wa 1-02-2019

    soyez les bienvenus chez nous
    nous y serons ensemble
    together as one
    singing for peace and dancing for change

  • Palukuinocnt
    Ku wa 31-01-2019

    Nuko byishimiye shyane numusi udasanzwe pe

  • Palukuinocnt
    Ku wa 31-01-2019

    Nuko byishimiye shyane numusi udasanzwe pe

  • Irakarama gift pogba
    Ku wa 28-01-2019

    Andika Igitekerezo Hano KARIBU KURI YVAN NA BANDI MUGIHUGUCYACU TUNAWAPENDASANA

IZASOMWE CYANE

To Top