Filime ‘US’ iherutse kujya hanze iyoboye urutonde rwa filime zacurujwe cyane muri Leta Zunze Ubumwe za Amerika, mu cyumweru cya mbere gusa ikijya hanze yinjije asaga miliyoni 70 z’amadolari.

10.Alita: Battle Angel

Alita: Battle Angel ni filime ya action igurishwa na Fox, muri iyi weekend ikaba yaracurujwe $83,748,050. Ni filime yasohotse tariki ya 14 Gashyantare 2019, kuyikora bikaba byaratwaye $170 000 000 ubushize yari ku mwanya wa cyenda.

9.The LEGO Movie 2: The second part

Muri iyi weekend yinjije $103,328,550. Yasohotse ku itariki ya 8 Gashyantare 2019, ikaba icuruzwa na Warner Bros, iri mu bwoko bwa Animation. Kuva yasohoka kugeza uyu munsi imaze kwinjiza $171,419,713. Ayo byatwaye ngo itunganywe ntiyigeze atangazwa, ubushize yari ku mwanya wa munani.

8.No matches Frida 2

Ni filime y’urwenya icuruzwa na Pentalion, yasohotse kuri uyu wa 5 tariki 15 Werurwe 2019 ikaba yarinjije $6,626,279 muri iyi weekend muri Amerika gusa. Ubushize yari ku mwanya wa gatandatu.

7.Gloria Bell

Grolia Bell ni filime nshya yasohotse muri Werurwe 2019, ikaba icuruzwa na A24, muri iyi weekend ikaba yaracurujwe $2,498,485, ayakoreshejwe mu ikorwa ryayo ntabwo yigeze atangazwa, ubushize yari ku mwanya wa 18.

6.Tyler Perry"s a Madea Family Funeral

Ni imwe muri filime z’urwenya zishingiye ku mugore Madea waremwe na Tyler Perry muri filime, icuruzwa na Lionsgate ikaba yarasohotse tariki 01 Werurwe 2019. Mu mpera z’icyumweru gishize, iyi filime yinjije $65,881,232. Ubushize yari ku mwanya wa gatanu.

5.How to Train your dragon: The hidden world

Iyi filime icuruzwa na Universal, muri iyi weekend yinjije $145,752,630. Ni filime yo mu bwoko bwa animation, yasohotse ku itariki 22 Gashyantare 2019. Kuyikora byatwaye miliyoni $129 z’amadolari. Ubushize iyi filime yari ku mwanya wa kane.

4.Five Feet Apart

Ivuga ku nkuru y’urukundo, icuruzwa na Lionsgate ikaba yarasohotse tariki 15 werurwe 2019. Muri iyi weekend yinjije $26,461,064 muri Amerika gusa, hanze ya Amerika ikaba yacurujwe $6,300,000. Ayakoreshejwe mu kuyitunganya ntiyigeze atangazwa, ubushize yari ku mwanya wa Gatatu.

3.Wonder Park

Ni filime iri mu bwoko bwa Animation, icuruzwa na Paramount ikaba yarasohotse tariki 15 Werurwe 2019. Muri iyi weekend yinjije $16,000,000 muri Amerika gusa, ku Isi hose yinjije $20,300,000, ubushize yari ku mwanya wa kabiri.

2.Captain Marvel

Iyi filime icuruzwa na Buena Vista, irimo abakinnyi nka Samuel Jackson, Brie Larson, Ben Mendelsohn n’abandi batandukanye. Muri iyi weekend yinjije $69,318,000. Kuva yasohoka kugeza ubu imaze kwinjiza $321,498,835 , ni mu gihe ayo byatwaye ngo ikorwe atigeze atangazwa, ubushize yari ku mwanya wa mbere.

1. US

Filime US, icuruzwa na Universal, irimo abakinnyi nka Lupita Nyongo, ikaba yarasohotse tariki ya 22 Werurwe 2019. Mu cyumweru cya mbere ikimara kujya hanze, iyi filime yacurujwe $70 250 000 kuyikora bikaba byaratwaye asaga $20 000 000.

)