AS Kigali yatakaje rutahizamu ukomoka muri Nigeria wari usoje amasezerano muri iyi kipe, Aboubakar Lawal wamaze kwerekeza muri Vipers yo muri Uganda.
Uyu rutahizamu umuntu yavuga ko atagize umwaka mwiza w’imikino wa 2021-22, ari na wo wari uwa nyuma ku masezerano ye, yamaze gusinyira Vipers FC itozwa na Robertinho wahoze muri Rayon Sports.
Ku munsi w’ejo hashize ku Cyumweru tariki ya 3 Nyakanga 2022 ni bwo Lawal yashyize umukono ku masezerano y’imyaka 2 akinira iyi kipe yegukanye shampiyona ya Uganda 2021-22 ikaba izanasohokera iki gihugu muri Total CAF Champions League.
Mu myaka ibiri yari yasinyiye AS Kigali, umwaka we wa mbere yahiriwe n’iyi kipe aho yanaje mu rutonde rw’abakinnyi batsinze ibitego byinshi muri shampiyona, ni mu gihe umwaka we wa nyuma no kubona umwanya wo gukina byabaye ikibazo, gusa asize ahesheje iyi kipe igikombe cy’Amahoro cya 2022.
Ibitekerezo