Ikipe y’igihugu y’u Rwanda mu mupira w’amaguru yitegura imikino 2 ya gicuti mu mpera z’iki cyumweru n’intangiro z’igitaha na Centre Afrique, yaraye yinjiye mu mwiherero mu rwego rwo gutangira kwitegura iyi mikino.

Ku wa Gatanu tariki ya 28 Gicurasi, nibwo umutoza Mashami Vincent yahamagaye abakinnyi 34 bagomba kuza kumufasha kwitegura iyi mikino izaba tariki ya 4 na 7 Kamena 2021, ikazabera kuri Stade Regional.

Ni imikino izafasha u Rwanda kwitegura ijonjora ry’igikombe cy’isi cya 2022 izaba muri Nzeri uyu mwaka aho Amavubi ari mu itsinda E na Mali, Uganda na Kenya.

Amavubi yaraye atangiye umwihierero tariki ya 30 Gicurasi 2021, bakaba bari La Palisse Nyamata, ku ikubitiro batangiranye n’abakinnyi bakina mu Rwanda ni mu gihe abandi 11 bakina hanze bazaza bahabasanga.

Aba bakinnyi bakaba babanje kubapima icyorezo cya Coronavirus, bikaba biteganyijwe ko uyu munsi ari bwo batangira imyitozo.

Iradukunda Jean Bertrand

Mico Justin

Byiringiro Lague

Mugunga Yves yahamagawe ku nshuro ya mbere

Nshuti Dominique Savio

Jacques Tuyisenge ugera mu mwiherero

Rutanga Eric usanzwe ukinira Police FC

Ruboneka Jean Bosco

Nishimwe Blaise wa Rayon Sports yahamagawe bwa mbere mu Mavubi

Babanje kubapima icyorezo cya Coronavirus, uyu ni Nshuti Dominique Savio

Iradukunda Bertrand apimwa COVID-19

Rutahizamu Jacques Tuyisenge apimwa Coronavirus

)