APR VC irimo kwitegura imikino Nyafurika y’amakipe yabaye aya mbee iwayo(CAVB Championship) izahagararimo u Rwanda, u Rwanda yamaze kongeramo abakinnyi 4 bazayifasha muri iyi mikino izaba mu kwezi gutaha.

APR VC yabonye iyi tike nyuma yo kwegukana igikombe cya shampiyona ya 2019-2020 yasojwe tariki 31 Ukwakira 2020, ni nyuma yogutsinda UTB VC.

APR VC ikaba yamaze kongeramo abakinnyi bagera kuri 4 bazayifasha muri iyi mikino izaba kuva tariki ya 2 kugeza 15 Mata 2021.

Mahoro Ivan usanzwe ukinira UTB VC, Akumuntu Kavalo Patrick wa Gisagara VC, Murangwa Nelson wa UTB VC na Mutabazi Yves wa Gisagara VC nibo bakinnyi iyi kipe yamaze kongeramo kugira ngo bazayifashe muri iyi mikino ariko ntabwo yabaguze.

APR VC uyu munsi nibwo ishobora kwakira uruhushya rwa MINSPORTS ruyemerera gutangira imyitozo yitegura iyi mikino, ni nyuma yo kwandika ibisaba.

Biteganyijwe ko ku wa 31 Werurwe 2021 ari bwo APR VC izahagaruka mu Rwanda yerekeza mu Misiiri ahazabera iyi mikino.

APR VC izahagararira u Rwanda muri Champions League

Murangwa Nelson ni imwe mu ntwaro APR VC izahagurukana yerekeza mu Misiri

Mutabazi Yves wa Gisagara VC, agiye gufasha APR VC yahoze akinira

Mahoro Ivana(3), asanzwe akinira UTB VC

)